نسلی اقلیتوں کے لیے سروس  کس کے لیے ہے ؟

                 

یہ سروس نسلی اقلیتی طبقوں کے معذوروں اور دیکھ بھال کرنے والے دونوں کی مدد کرتی ہے ۔  بہت سے کیئررز کے لیے دیکھ بھال کے کام کی مشکلات سے نمٹنے کے ساتھ سروسز اور معلومات تک رسائی کا مرحلہ بھی دشوار ہو سکتا ہے ۔ یہ دشواریاں اُن کمیونٹیز کے لیے اور بھی بڑھ جاتی ہیں جن کی پہلی زبان انگریزی نہیں ہے ۔

ہم اس بات سے واقف ہیں کہ نسلی اقلیتوں کے کچھ صارفین کی ضرورتیں کلچر اور مذہبی اعتبار سے بھی مختلف ہو سکتی ہیں ۔ ہمارے یہاں کچھ کارندے ایسے ہیں جو کینٹونیز،  مینڈرن،  پنجابی اور اردو زبانیں بول سکتے ہیں، اور چینی اور جنوبی ایشیا ئی کمیونٹیز کے معاملات کو بہتر طور پر سمجھ سکتے ہیں ۔ اس لیے وہ خدمات کو تشکیل دیتے وقت ضرورتیں پوری کرنے کی کوشش کرتے ہیں،  مثال کے طور پر صرف خواتین کے گروپ چلانا،  مذہبی تہواروں اور عبادت کے اوقات کو ذہن میں رکھنا اور کمیونٹی کی زبانوں میں ٹریننگ دینا وغیرہ ۔

ہم کس طرح کی مدد آپ کو دے سکتے ہیں ؟

                 

ہم کیئررز اور معذور حضرات کی انفرادی مدد کر سکتے ہیں ۔ ہمارے یہاں ماہانہ گروپس چلتے ہیں جو کیئررز کو  سرگرمیوں اور ٹریننگ میں حصہ لینے کے مواقع فراہم کرتے ہیں ۔ ہم آپ کی مدد کرسکتے ہیں تاکہ آپ خدمات تک رسائی حاصل کر سکیں،  مثال کے طور پر سوشل ورک،  آکیوپیشنل تھیراپی،  صحت کی خدمات،  تعلیم،  ہاؤسنگ،  ٹریننگ اور کئی دیگر خدمات ۔ ہماری اپنی ایک ‘ویلفیئر رائٹس ٹیم’  ہے جو بینیفٹس کی جانچ کر سکتی اور فارم بھرنے میں مدد دے سکتی ہے،  مثال کے طور پر ڈس ایبلٹی لیونگ الاؤنس،  کیئررز الاؤنس اور اٹینڈینس الاؤنس ۔ ہماراایک نیوز لیٹر (خبرنامہ)  ہے جو اردو اور کینٹونیز میں شائع کیا جاتا ہے ۔

یہ سروس امینہ (مسلم خواتین کے رسورس سینٹر)  کی شراکت میں کام کرتی ہے،  اور کیئررز اور معذور لوگوں کے ساتھ دوستی قائم کرنے کی خدمات فراہم کرتی ہے ۔  کیئررز اور معذور لوگوں کا میل دوستی قائم کرنے والے اُن تربیت یافتہ رضاکاروں سے کیا جاتا ہے جو اُن کی زبان بول سکتے ہوں ۔ اس طرح کیئررز اور معذور لوگ دوستی قائم کرنے والے کے ساتھ اُن سرگرمیوں میں حصہ لے سکتے ہیں جو اُن کی انفرادی ضرورتوں کے مطابق ہوں ۔

” جو سپورٹ آپ نے مجھے دیا ہے وہ بہت مفید ہے ۔ آپ نے میرا رابطہ ایک دوستی کرنے والے کے ساتھ کرایا ہے جس کی وجہ سے میں ہر ہفتے کسی سے بات کر سکتا ہوں اور اس طرح میں خود کو کم تنہا محسوس کرتا ہوں ۔       آپ نے میرا رابطہ ایک (ویلفیئر رائٹس ایڈوائیزر) سے کروایا جو میرے لیے بہت مددگار ثابت ہوا،  اور مجھے اس کے ذریعے بہت سی معلومات حاصل ہوئیں ۔ اور (سیلف ڈائرکٹیڈ سپورٹ ٹیم) کے ذریعے مجھے اپنے بیٹے کےلیے ڈائرکٹ پیمنٹ کے بارے میں زیادہ جاننے کا موقع ملا ۔ آپ سب سے ملاقات کے بعدسے مجھ پر جو بوجھ تھا وہ کم ہوا کیونکہ مجھے اب یہ معلوم ہے کہ میرے کسی بھی سوال کا جواب دینے کےلیے آپ کے یہاں کوئی نہ کوئی ضرور مل جائے گا ۔ ”

نسلی اقلیتوں کی ٹیم مندرجہ ذیل ہے :

صوفیہ رضوان Sofia Rizwan :     بی ایم ای ڈویلپمنٹ ورکر  (اردو، پنجابی)

ورجینیا کیر  Virginia Kerr :         بی ایم ای سپورٹ ورکر  (مینڈرن، کینٹونیز)

سروس کے بارے میں مزید معلومات یا ریفیرل بھیجنے کےلیے ٹیم سے رابطہ کریں :   200422  01382

  • Dundee Health and Social Care Partnership
  • sns
  • sub-foot-lot-bg
  • sub-foot-dee-bg
  • OSCR
  • Carer Positive LEVELS LOGOS CMYK_engaged_linear
  • pqasso_KITE_level2_1795cmyk new 200px
  • SGstacked_Col_print0
Dundee Carers Centre, Seagate House, 132-134 Seagate, Dundee, DD1 2HB 01382 200422 centre@dundeecarerscentre.org.uk
This site uses some essential, unobtrusive cookies.